Sot ditë e madhe për Kosovën, festohet 12-vjetori i Pavarësisë

Dita e sotme shënon 12 vjetorin e Pavarësisë së Republikës së Kosovës.

Të gjithë do ta kujtojnë gjatë 17 shkurtin e vitit 2008, ku Kosova u njoh nga 116 shtete të botës.

Ky vit e gjen këtë shtet me një qeverisje të re tashmë, të udhëhequr nga kryeministri i ri Albin Kurti i Lëvizjes Vetëvendosje.

Kështu institucionet shtetërore kanë planifikuar disa aktivitete në këtë ditë, duke filluar  me ngritjen e flamurit nga dy udhëheqësit Albin Kurti dhe Vjosa Osmani, kryetarja e re e parlamentit.

Më pas të dy ata do të vendosin kurora lulesh te kompleksi memorial Adem Jashari, te varri i ish-presidentit Ibrahim Rugova dhe te varri i veprimtarit Adem Demaci.

Me pas do të mbahet një seancë solemne në Kuvendin e Republikës së Kosovës nën kujdesin e kryeparlamentares Vjosa Osmani.

Të pranishëm në seancë do te jenë edhe kryeministri Kurti, përfaqësues të Familjes Jashari, familjes Rugova, deputetë të këtij legjislacioni dhe të ftuar ndërkombëtarë e vendorë.

Gjithashtu Kurti e Osmani do të vizitojnë edhe Forcën e Sigurisë së Kosovës ku edhe do të iu drejtohen trupave të FSK-së me fjalë përshëndetëse.

Po ashtu në nder të Pavarësisë se Kosovës edhe Komunat do të organizojnë seancë solemne si dhe do të bëjnë homazhe tek varrezat e dëshmorëve.