Shpërndanin ‘mall’ në mes të Tiranës, ja si u kapën dy të rinjtë (VIDEO)

Në kuadër të operacionit të koduar “Selita”, policia ka arrestuar dy të rinj në Tiranë.

Mësohet se të arrestuarit janë:  L. T., 33 vjeç dhe V. T., 28 vjeç, të dy banues në Selitë, Tiranë.

blutë e kryeqytetit kishin marrë informacione se këta shtetas  në bashkëpunim me njëri-tjetrin merreshin me shpërndarje kokaine, në zona të ndryshme të Tiranës, kryesisht në zonën e ish-Bllokut, Komunës së Parisit dhe Tiranës së Re.

Policia e ka ndaluar për kontroll në rrugën “Prokop Mima” automjeti tip “Smart”, me drejtues L. T. dhe pasagjer V. T. dhe gjatë kontrollit fizik dhe në banesën e shtetasit L. T, burime zyrtare bëjnë me dije se u gjet 402.7 gramë lëndë narkotike, e dyshuar kokainë, një pjesë e së cilës ishte ndarë në doza gati për shitje, një peshore elektronike, 5 aparate celular dhe një sasi parash të dyshuara të përfituara nga shitja e lëndës narkotike.

Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale ”Prodhimi dhe shitja e narkotikëve”, e kryer në bashkëpunim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern