Sherr me thika në periferi të Tiranës, plagoset 25-vjeçari

Një sherr me thika ka ndodhur paraditen e  sotme në Kamzë.

Si pasojë e përleshjes mes disa të rinjve, ka mbetur i plagosur një 25-vjeçar, me iniciale R.K.

Policia e Tiranës ka arrestuar më pas 23-vjeçarin me iniciale I.P, si autor të ngjarjes në zonën e “Bulevardit blu”.

Gjithashtu mësohet se është proceduar penalisht  në gjendje të lirë, për veprën penale “Plagosja e lehtë me dashje” edhe personi me iniciale E. K., pasi gjatë konfliktit ka plagosur lehtë me sende të forta shtetasin I. P.

NJOFTIMI ZYRTAR I POLICISE

Plagos me thikë 25-vjeçarin, pas një konflikti për motive të dobëta, vihet në pranga nga Policia. Sekuestrohet mjeti prerës thikë, me të cilën autori kreu plagosjen. Procedohet penalisht edhe një 34 vjecar, për plagosje të lehtë me dashje. Specialistët për Hetimin e Krimit në Komisariatin e Policisë Nr. 5 Kamzë, pas njoftimit të marrë për një konflikt në Bulevardin Blu, ku disa persona ishin konfliktuar me njëri – tjetrin dhe për pasojë një prej tyre ishte plagosur me thikë, menjëherë organizuan punën dhe falë veprimeve të shpejta bënë identifikimin dhe kapjen e autorit të ngjarjes, konkretisht:

1. I.P., 23 vjeç, banues në Kamzë, i cili u arrestua për veprat penale “Plagosja e rëndë me dashje” dhe “Mbatja pa leje e armëve të ftohta”. Arrestimi i tij u krye, pasi ky shtetas, në bashkëpunim edhe me disa shtetas të tjerë, në Bulevardin Blu, Kamzë, poshtë rrethit të Bathores, ka plagosur me thikë, për motive të dobëta, shtetasin R. K., 25 vjeç. Gjithashtu, u procedua penalisht në gjendje të lirë, për veprën penale “Plagosja e lehtë me dashje” shtetasi E. K., pasi gjatë konfliktit ka plagosur lehtë me sende të forta shtetasin I. P. Materialet i kaluan Prokurorisë së Rrethit Gjyqësor Tiranë, për veprime të mëtejshme.