Rrëfehet i afërmi i të riut të vrarë në një kazino/ U mundua të dalë por…

Në Maqedoni, ditën e sotme mbeti i vrarë një 22-vjeçar në një kazino me inicialet R.H., nga Malisheva. Mediat kosovare shkruajnë se familjari i të ndjerit ka konfirmuar gjithçka dhe ka treguar se çfarë po bënte i riu në ambientin ku edhe humbi jetën. Në një bisedë telefonike Për Ekspres, i afërmi ka treguar se i ndjeri kishte jetuar dhe punuar në Gjermani ndërkohë në Kosovë po qëndronte për pushime. Siç ka rrëfyer Z.H, i ndjeri R.H kishte shkuar për një vizitë në Shkup bashkë me disa shokë të tij dhe se kishte qenë bashkë me ta në momentin kur disa persona të maskuar ishin futur për të grabitur në vendin ku po pinin kafe.

“Po e kam kushëri. Ka ardhë prej Gjermanisë, janë kanë me nja 3 shok të ri bashkë. Kanë dalë në Shkup, e ka janë kthy kanë hi me pi kafe kanë hi brenda në kazino. Kur kanë hi me plaçkitë, shihet në incizime që ky është mundur me dalë prej dere, e kanë kap me plumb edhe e kanë vra”, ka thënë ai.

Ai ka treguar se ka qenë sot në Shkup dhe se autoritetet maqedonase ua kanë dhënë dokumentacionet për ta vërtetuar identitetin e viktimës. Gazeta Ekspress shkruan më tej se pjesa tjetër e familjes së ngushtë të viktimës ndodhen jashtë Kosovës, dhe se tashmë pas marrjes së lajmit ata janë nisur drejt vendlindjes. Sipas informatave të Gazetës Express, R.H kishte qenë djali i vetëm i familjes.