Policia ‘blindon’ Lazaratin që në pikë të mëngjesit, çfarë u gjet në një banesë pas kontrolleve

Një operacion “blic” është zhvilluar pas mesnate në Lazarat nga policia e Gjirokastrës.

Mësohet se si qëllim ishte kontrolli për armë dhe drogë në disa banesa të zonës.

Sipas informacioneve në aksion janë përfshirë 3 grupe efektivësh nga Drejtoria Vendore e Policisë.

Ndërkohë pas kontrollit në banesën e shtetasit Amarildo Aliko, uniformat blu kanë arritur të gjejnë 3 armë automatike model 56 (kallash), një granatë, një pushkë 20-tëshe e mijëra fishekë deri tani.

Ky aksion “blic” ka nisur që në 5 të mëngjesit dhe vazhdon ende.

Nuk raportohet për persona të arrestuar.