Po ngroheshin/ Shpërthen bombola e gazit, plagoset nëna me djalin

Një bombol gazi ka shpërthyer në një banesë në fshatin Libofshë të Fierit. Bombola ka shpërthyer brenda në banesë duke lënë të plagosur nënën dhe djalin e saj. Duke iu referuar informacioneve nga policia bëhet e ditur se bombola përdorej për t’u ngrohur.

Ngjarja mësohet të ketë ndodhur në orën 17:30 dhe nga shpërthimi i bombolës kanë mbetur të lënduar shtetasi M. Z dhe nëna e tij.

Zjarrfikëset kanë bërë të mundur shuarjen e plotë të flakëve, ndërsa dëmet materiale nuk llogariten të mëdha. Policia ka nisur hetime në vendngjarje për zbardhjen e plotë të shkaqeve që çuan në shpërthimin e bombolës së gazit.