Plagosja që tronditi Durrësin/ Identifikohet autori, dyshohet se grabiti dhe pikën e dhënies së kredive (EMRI)

Mbrëmjen e djeshme në Durrës ndodhi një plagosje me armë zjarri.

Për këtë ngjarje policia ka shpallur në kërkim 27-vjeçarin Astrit Thaci, i cili dyshohet se është personi që ka plagosur Rexhep Tereziun, pasi iu fut në banesë në zonën e plazhit me qëllim për ta grabitur.

Sipas informacioneve Thaçi banon afër me 42-vjeçarin dhe akuzohet se është personi që ka qëlluar me plumb në këmbë të zotin e shtëpisë.

I plagosuri është dërguar në Spitalin Rajonal të Durrësit ku ka marrë ndihmën e nevojshme mjekësore dhe ndodhet jashtë rrezikut për jetën.

Gjithashtu dyshohet se 27-vjeçari është personi që ka grabitur tre ditë më parë edhe pikën e kredidhënies në Durrës.