Bilisht/ Përfshihet nga flakët një pallat, rrezikohen banorët

Një zjarr ka përshirë një pallat në Bilisht të Korçës. Burime për TCH kanë bërë të ditur se flakët kanë përfshirë ambientet e një banese në katin e fundit të pallatit duke rrezikuar seriozisht banorët që jetojnë aty.

Zjarri ka rënë fillimisht në çatinë e pallatit ndërsa më pas është përhapur në njërin nga apartamentet e katit të fundit të pallatit.

Deri më tani nuk raportohet për persona të lënduar nga ky zjarr, ndërsa në vendin e ngjarjes kanë shkuar forca të shumta policie dhe zjarrfikëse. Këto të fundit po punojnë për të shuar flakët ndërkohë që kanë kërkuar edhe përforcime nga zjarrfikësit e Korçës dhe të Pogradecit./FastNewsAlbania