Ditën e sotme e veja e diktatorit më të egër komunist të Shqipërisë Enver Hoxha, Nexhmije Hoxha është përcjellë për në banesën e fundit.
Në homazhet e mbajtura ishin të pranishëm, familjarë miq, dhe të afërm ku në sy ra edhe nipi Ermal Hoxha së bashku me bashkëshorten Rezarta Shkurta.
Këngëtarja u shfaq e gjitha e veshur me të zeza, duke shprehur kështu dhimbje për humbjen e gjyshes së burrit.
Nexhmije Hoxha ndërroi jetë dje në banesën e saj në Laprakë në moshën 99-vjeçare.
Varrimi u bë sot në orën 12.00 të mesditës dhe eshtrat e saj do të prehen në varrezat e Sharrës pranë bashkëshortit Enver Hoxha.
