Panik në Shkodër/ Tritol në makinën e administratorit të Vllaznisë

Një ngjarje e rëndë ka ndodhur mëngjesin e sotëm në Shkodër.

Mësohet se një sasi tritoli është vendosur në makinën e Suad Licit, administratorit të ekipit të Vllaznisë.

Ngjarja ka ndodhur në lagjen “Ahmet Haxhia”, teksa automjeti ka qenë i parkuar në lagjen ku banon Lici.

Për fat të mirë lënda plasëse nuk ka shpërthyer pasi ish-futbollisti e ka vënë re dhe ka marrë në telefon policinë.

Dyshohet se ka ndodhur për shkak të detyrës, dhe pritet edhe mbërritja e ekspertëve nga Tirana.

NJOFTIMI ZYRTAR I POLICISE

Shkodër/ Informacion paraprak Më datë 16.02.2020, rreth orës 08:56, shtetasi S. L. 46 vjeç, banues në lagjen “Ahmet Haxhija”, Shkodër ka njoftuar Sallën e Drejtimit në DVP Shkodër, se poshtë mjetit të tij tip Benz, ka konstatuar një pako të mbështjellë me letër natriban ku dyshohet se mund të ketë lëndë plasëse. Në vend ndodhen shërbimet e policisë dhe grupi hetimor ku vijon puna për sqarimin e rrethanave të ngjarjes.