Menjëherë pas akuzave të Partisë Demokratike në lidhje me ligjin special anti-KÇK, ku ish-deputeti Enkelejd Alibeaj tha se lufta kundër krimit është propagandë dhe tallje me shqiptarët, në përpjekje për tu mbuluar bashkqeverisja me krimin, ka ardhur dhe reagimi i kryeministrit Edi Rama.
Me anë të një postimi në Twitter, Rama thotë se kjo nuk është një surprizë që vjen nga opozita dhe thekson se ata nuk kanë parë gjë akoma.
Ndër të tjera kryeministri shton se opozita ushqehet me krimin, duke e patur kështu si një mjet politik kundër qeverisë.
“PD ve në dyshim kushtetutshmërinë e paketës anti-KÇK? Asnjë surprizë! As kanë parë gjë akoma po as kemi dëgjuar gjë akoma nga goja e tyre! Krimin e kanë mjet politik kundër qeverisë, por s’e kanë pasur kurrë në shënjestrën e tyre!Përkundrazi!E kanë ushqyer e janë ushqyer prej tij”, shkruan Rama në postim.
