Një ditë pas skandalit seksual të publikuar nga emisioni “Stop”, policia ka ndaluar mësuesin e shkollës së mesme artistike “Jakov Xoxa” në Fier, Agron Bego.
Në denoncimin e bërë nga një nxënëse, mësuesi shfaqej në video, ku i thotë vajzës që mund ta ndihmojë me mungesat, në këmbim të intimitetit.
Ndërkohë 63-vjeçari i thotë se nuk duhet të shkojë me bashkëmoshatarët, pasi ata nuk dinë të bëjnë seks.
Policia ka reaguar menjëherë pas publikimit të këtij skandali në një prej shkollave të mesme më të njohura të Fierit.
NJOFTIMI ZYRTAR I POLICISE
Në lidhje me rastin e publikuar mbrëmjen e djeshme në emisionin investigativ “Stop”, ku bëhej fjalë për ngacmimin seksual të një nxënëseje nga mësuesi, Policia menjëherë ka bërë shoqërimin e shtetasit A. B., 63 vjeç, banues në Fier.
Në përfundim të veprimeve hetimore, në bashkëpunim me Prokurorinë e Fierit, specialistët për hetimin e krimeve në Komisariatin e Policisë Fier, bënë ndalimin e shtetasit A. B., pasi dyshohet se ka kryer veprën penale “Ngacmimi seksual”.
Materialet i kaluan Prokurorisë pranë Gjykatës së Shkallës së Parë Fier për veprime të mëtejshme proceduriale.
