“Nuk do rrimë te dera e Europës dhe të qajmë” Rama flet hapur në intervistën për median franceze

Kryeministri Edi Rama ka folur së fundmi në një interviste për agjencinë franceze të lajmeve AFP.

Kreu i qeverisë ka theksuar se Shqipëria duhet të përqëndrohet në të ardhmen e vet dhe nuk do të qëndrojë në derën e Europës duke qarë që ajo të hapet.

“Nuk pres asgjë, ne duhet të bëjmë gjërat që duhet të bëhen, pavarësisht nga vendimet në Bruksel”, tha ai, duke shtuar se vendi nuk mund “të vazhdojë të jetojë me këtë ankth të pritjes për diçka që nuk është në duart tona“.

“Ne nuk do të qëndrojmë te dera e Evropës dhe të qajmë“, tha 55-vjeçari, i cili kishte veshur një pallto të gjatë të zezë dhe atlete, shkruan AFP.

Ndër të tjera media franceze shton se Shqipëria, vendi me 2.8 milionë banorë ka shpresuar që të merrtë dritën jeshile për të filluar bisedimet e hyrjes në BE në tetor, por ishte Franca, Danimarka dhe Hollanda, ato që vendosën veton.

Rama ndër të tjera u shpreh se vetë reformat e Bashkimit Europian janë larg kontrollit të Tiranës.

Ne nuk jemi në këtë rrugë sepse francezët ose gjermanët po na kërkojnë, por sepse është rruga e vetme e arsyeshme për të ardhmen e fëmijëve tanë dhe për të ardhmen e këtij vendi”, u shpreh kryeministri.