Nuk dini anglisht dhe jeni të pakualifikuar? I keni dyert e mbyllura në Britani

Ata që nuk dinë anglisht dhe që janë të pakualifikuar, i kanë dyert e mbyllura në Britani. Britania do t’i jap fund epokës së punës së lirë në fabrika, depo, hotele dhe restorante si pjesë e një rregullimi themelor të ligjeve të emigracionit. Ndërkaq, termi të pakualifikuar për Ministren e Brendshme, Priti Patel, përfshinë përfshinë ata që nuk kanë një profesion dhe që nuk dinë të flasin anglishten.

Patel tha se Britania mirëpret shkencëtarët, inxhinierët dhe akademikët. “Një sistem pikësh do të vlerësojë aftësitë dhe do t’u japë përparësi atyre që vijnë me një punë ose ofertë akademike”, – tha Patel.

Ndërkaq, ajo është shprehur se qëllimi është të rimarrim kontrollin e plotë të kufijve për herë të parë pas dekadash dhe të eliminojmë “një sistem migrator të shtrembëruar nga liria europiane e lëvizjes së lirë”.