Njëri ‘skifter’ e tjetri trafikant, kush janë dy ‘të fortët’ që OFL i trokiti sot në derë (EMRAT)

Ashtu si përditë tashmë, edhe sot ka vijuar Operacioni Forca e Ligjit.

Konkretisht, u është kërkuar justifikimi i pasurisë dy të dënuarve në Elbasan dhe Krujë.

Mësohet se ata janë:

Flamur Haka, banues në Krujë, i dënuar për veprën penale “Vjedhja me dhunë”;

Talo Çela, banues në Elbasan, i dënuar për veprën penale “Trafikim i lëndëve narkotike”;

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

NJOFTIMI ZYRTAR I POLICISE

Në zbatim të detyrave të përcaktuara në Aktin Normativ të datës 31 janar 2020, vijon operacioni Forca e Ligjit, në bashkëpunim me strukturat vendore të Policisë, për dërgimin e kërkesave për vetëdeklarim të pasurisë.

Në këtë kuadër, OFL u ka dërguar kërkesat për vetëdeklarim të pasurisë shtetasve:

1. F.H., banues në Krujë, i dënuar për veprën penale “Vjedhja me dhunë”;
2. T.Ç., banues në Elbasan, i dënuar për veprën penale “Trafikim i lëndëve narkotike”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse, për të evidentuar dhe dërguar në SPAK, të gjithë personat që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.