Dy mushka të ngarkuara me thasë i publikon gazetari Artan Hoxha, ndërsa ironizon Operacionin Forca e Ligjit. Në postimin e tij në rrjetin social, Hoxha thotë se OFL s’ka lënë rrugë kombëtare dhe rurale pa ngritur postbllok për të sekuestruar mjetet e blinduara të krimit, ndërsa “çunat” nxjerrin nga hauri mushkat dhe i fusin në veprim.
Gazetari kërkon të dijë se si do ta gjejë tani OFL-ja se kujt grupi kriminal i përkasin këto mushka, të cilat nuk deklarohen në formularët e Anti-KÇK-së.
“Po tani si i bëhet?! Pse budalla ishte Enveri që i matrikullonte dhe mushkat edhe gomerët?!!!!
Pas ’90-ës askush nuk është kujtuar t’i matrikullojë kafshët e punës, hajde e zbuloje tani cilit grup kriminal i përket mushka dhe si do ta deklarojë në formularin e Anti-KCK….
Hajde e përballoje pazarin e mushkave, do shkojë një mushkë Leskoviku më shumë se një Mercedes G blindato….”, shkruan ai në rjetet sociale.
