“Mezi po pres rastin e parë me koronavirus” Drejtoresha e ISH i shokon të gjithë me deklaratën

Koronavirusi tashmë është kthyer në një kërcënim serioz për mbarë globin.

Teksa qindra persona po luftojnë tashmë me këtë sëmundje, deri tani për fat të mirë në vendin tonë nuk është shënuar asnjë rast i prekur.

Ndërkohë që mjekët dhe institucionet përkatëse mundohen të japin këshilla se si mund të parandalohet ky virus i rrezikshëm, një deklaratë e fundit nga Drejtoresha e Inspektoratit Shëndetësor në Tiranë Arteti Beruka  i ka habitur të gjithë.

E ftuar dje në studion e “Report TV”, ajo është pyetur edhe për koronavirusin, dhe ka folur për masat që duhen marrë dhe kujdesi për higjienën.

Por edhe pse të gjithë janë të frikësuar nga kjo situatë, Beruka ka deklaruar se mezor pret që te këtë rastin e parë të prekur me koronavirus.

Arsyeja sipas saj është që kështu njerëzit profesionistë të kuptojnë që koronavirusi ka gradë vijueshmërie shumë të ulët.

Në momentin që gazetarja e ka pyetur nëse i trëmbet kësaj situate të krijuar, Beruka ka kthyer këtë përgjigje:

“Absolutisht jo, ndoshta me profesionin por edhe me karakterin. Por ta them personale, jo profesionale mezi e pres rastin e parë në fakt, unë si mjek. E para do të kuptojnë njerëzit profesionistë që koronavirusi ka një gradë vijueshmërie shumë të ulët. Përqindja e vdekshmërisë  së saj është 2% .

Mosha e fëmijëve 16 vjeç e kanë shumë të ulët dhe me shenja shumë më të lehta. Unë i’u them me bindje që në ‘96 kur unë kam qenë specializante ne kemi pasur rastin e ‘kolerës’ e menaxhuam dhe nuk patëm asnjë rast të rënd as me vdekshmëri.

Gazetarja: Do të jemi sërish së bashku, unë nuk jam si ju, tek ajo kategoria që thoni, mezi pres rastin e parë. Unë nuk dua ta dëgjoj, megjithatë kur të jetë rastin e parë do t’ju kem sërish në studio.