Meta heq “me qetësi dhe dashuri”, ja shprehja që do përdorë nga sot e tutje Presidenti

Të gjithë e njohin shprehjen “me qetësi dhe dashuri” që presidenti Ilir Meta e ka përdorur aq shumë.

Mirëpo mesa duket Kreu i Shtetit ka vendosur ta zëvendësojë atë me një të re.

Këtë fakt e ka zbuluar mbrëmjen e djeshme kur ishte në i ftuar në programin “Opinion”.

Sipas Metës tashmë do të përdorë slogranin “Me qetësi dhe drejtësi”, sepse për dashurinë nuk ka shumë vend, pasi Shqipëria po shpopullohet.

“Me qetësi me dashuri” ishte në Parlament, kur unë isha kryetar Parlamenti, ishim të gjithë palët. Edhe unë përpiqesha t’i qetësoja se ishin të gjithë aty. Institucionet nuk kishin rënë, kishte Gjykatë Kushtetuese, kishte Gjykatë të Lartë. Dhe atëherë u bënë nja dy gjëra të mira, që u mor rekomandimi për çeljen e negociatave, u bë ajo reforma me 140 vota që unë e imponova dhe atë konsensus në fund.

Të gjithë u përpoqën ta minonin nga pak sa andej sa këndej, kështu që shkonte atëherë “me qetësi me dashuri” se ishim të gjithë bashkë. Tani duhet “me qetësi me drejtësi” sepse situata është katastrofike dhe nuk ka shumë vend për dashurinë se po na shpopullohet Shqipëria”, u shpreh Meta.