“Më tha pse ke pirë, u vonova” Zbardhet dëshmia e burrit, tregon arsyen pse vrau gruan në mes të Durrësit

Ditën e djeshme, një krim i rëndë tronditi Durrësin, ku Ruzhdi Tosuni 63- vjeç, vrau gruan e tij Hajrie Tosuni 59 vjeç, fare pranë biznesit të tyre.

Më pas në polici autori ka thënë se është penduar dhe se e gjithë situata kishte nisur për dyqanin që kishin dhe më pas ishin konfliktuar me njëri-tjetrin.

Si fillim ai e qëlloi gruan pas sherrit me një metër metalik dhe pasi e pa që bashkëshortja kishte ndërruar jetë.

Më pas mbylli qepenin dhe shkoi bleu një paketë cigare, duke lajmëruar rrugës të pranishmit se kishte vrarë gruan, madje shkoi dhe te farmacia pranë.

Menjëherë policia e ka arrestuar në flagrancë Ruzhdi Tosunin dhe e kanë marrë në pyetje në komisariat.

“Jam shumë i tronditur, mbaj mend që më tha pse u vonove, pse ke pirë. Kaq mbaj mend. Aty llaf pas llafi situata më doli jashtë kontrollit dhe e qëllova me metrin metalik, me cilin matim materialet që shesim. Nuk doja ta vrisja. Jam shumë i penduar dhe më vjen shumë keq”, ka deklaruar 63-vjecari në polici.

Ndërsa fillimisht ai u shpreh se gruaja ja kishte sjellë në majë të hundës.

“Ma solli shpirtin aty ku nuk mban më. Kam 30 vjet që e duroj dhe e vrava”, deklaroi ai menjëherë pas krimit.