Me maska duke u stërvitur, këta janë Forcat Speciale që do të bashkëpunojnë me SPAK për kapjen e kriminelëve (VIDEO)

Një video është publikuar përpara pak minutash nga kryeministri Edi Rama, në të cilën shihen disa efektivë të Njësisë Speciale duke kryer stërvitje.

Pamjet janë publikuar nga kryeministri Edi Rama, i cili shkruan se ata do të kryejnë operacionet “Forca e Ligjit” në bashkëpunim me SPAK.

Kreu i Qeverisë shton se këta efektivë kanë 6 muaj që trajnohen dhe të hënën do të dalin në terren kundër krimit të organizuar.

“OFL (Operacioni Forca e Ligjit) është Njësia Speciale që pas 6 muajsh trainimesh të specializuara dhe stërvitjeje me ngarkesë të lartë fizike, del në terren ditën e hënë për të zbatuar në bashkëpunim me SPAK-un, Ligjin Special të sapomiratuar për masat pasurore ndaj personave të dënuar ose akuzuar për krim të organizuar”, bën me dije kryeministri.