Lëvizte me pistoletë nëpër qytet, arrestohet ‘i forti’ nga Durrësi

Policia e Durrësit ka arrestuar sot një 19-vjeçar, pasi u kap me armë zjarri në një lokal.

Pas sinjalizimeve se ai lëvizte i armatosur, uniformat blu janë vënë në lëvizje duke shkuar menjëherë në adresën e dhënë.

Mësohet se nga ky aksion ka rënë në pranga shtetasi A.K 19 vjeç, banues në Durrës.

NJOFTIMI ZYRTAR I POLICISE

Shërbimet e Komisariatit të Policisë Durrës në bashkëpunim me forcën “Shqiponja”, pas informacioneve të marra se në ambientet e një lokali ndodhej një person i armatosur, organizuan punën dhe menjëherë shkuan në adresën e dhënë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Si rezultat i ndërhyrjes profesionale nga ana e shërbimeve të Policisë u bë kapja dhe arrestimi në flagrancë i shtetasit A.K.,19 vjeç, banues në Durrës.

Gjatë kontrollit fizik të ushtruar ndaj këtij shtetasi, shërbimet e Policisë i gjetën në trup një armë zjarri pistoletë “Ekol” të cilën e mbante pa leje.

Materialet i kaluan Prokurorisë së Rrethit Gjyqësor Durrës për veprën penale “Armëmbajtja pa leje” për të cilën parashikohet dënimi deri në 7 vite burg.