LIGJET E BIZNESIT
Ambasadorja e SHBA në Shqipëri Yuri Kim është takuar ditën e sotme me kryeministrin Edi Rama, Presidentin Ilir Meta dhe Kryetarin e Partisë Demokratike Lulzim Basha. Lajmi është bërë i ditur nga vetë ambasada e cila publikon edhe deklaratën e kryediplomates amerikane në vendin tonë.
“Unë u takova sot me kryeministrin Edi Rama, presidentin Ilir Meta dhe kryetarin e PD Lulzim Basha për të diskutuar zhvillimet e fundit dhe pritjet e SHBA. Me referencë specifike në konferencën e donatorëve në Bruksel, ne besojmë se pasqyron solidaritetin, mbështetjen dhe dëshirën e bashkësisë ndërkombëtare për të ndihmuar popullin shqiptar në përpjekjet e rindërtimit pas tërmetit. Ne diskutuam gjithashtu për pritjen tonë se do të ketë transparencë dhe përgjegjshmëri gjatë gjithë këtij procesi. Përtej konferencës së donatorëve, diskutova edhe hapat e rëndësishëm që Shqipëria duhet të ndërmarrë në javët dhe muajt e ardhshëm, duke demonstruar pjekuri, respekt për institucionet dhe besim në proceset demokratike. Ne presim që liderët e Shqipërisë të sillen në një mënyrë të përgjegjshme dhe të kenë si qëllim të përfitojnë nga populli shqiptar”,shprehet Yuri Kim në deklaratën e publikuar nga ambasada e SHBA.
Vijon…
