Ditën e sotme mbizotëruan vranësirat dhe reshjet e shiut me intensitet të ulët dhe lokalisht mesatare në jug të vendit.

Mirëpo moti ka pësuar një kthesë të papritur për orët e pasdites.

Sipas parashikimit të Shërbimit Meteorologjik Ushtarak (SHMU) reshjet do të ndërpriten, për t’ja lënë vendin motit të kthjellët.

Sot dhe gjatë ditës së premte, vendi do të përfshihet nga moti i qëndrueshëm.

Përgjithësisht, do të mbizotërojë moti i kthjellët me vranësira të pakta kalimtare përgjatë relieveve malore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Era, do të fryjë nga kuadrati i veriut, mesatare dhe në bregdet e zonat luginore hera herës e vrullshme, duke u shoqëruar me valëzim të forcës 4 ballë.

Temperaturat, të cilat do të vijnë në rënie të ndjeshme në orët e mëngjesit, do të sjellin ngrica përgjatë akseve rrugore deri në zonat e ulëta.

Temperaturat parashikohen në:

zonat malore -6ºC deri në 9ºC

zonat e ulëta -2ºC deri në 16ºC

zonat bregdetare 1ºC deri në 16ºC