Koronavirusi në Itali, një mister/ Asnjë nga të prekurit s’ka qenë në Kinë

Koronavirusi në Itali ngjan me një “mister të vërtetë”.

Deri më tani kanë ndërruar jetë 7 persona ndërkohë mediat italiane kanë bërë me dije se askush nuk e ka kuptuar ende sesi koronavirusi ka gjetur “terrenin e përshtatshëm” për t’u përhapur në vendin fqinj.

Duke qenë se askush nga personat e prekur nuk ka qenë kohët e fundit në Kinë, si u përhap virusi?

Nga tre personat e parë të prekur në Veneto dhe në Lombardi, nuk është mundur të gjendet origjina, domethënë kontakti i të paktën një pacienti me dikë që është kthyer nga Kina.

“I pari i infektuar është një italian që nuk ka qenë kurrë në Kinë”, thotë Giovanni Rezza, kreu i sëmundjeve infektive të Institutit të Lartë të Shëndetësisë./Repubblica.it

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern