LIGJET E BIZNESIT
Lajmi që ka bërë shumë bujë sot në orët e para të mëngjesit është ai i arrestimit të pronarit të Universitetit Europian të Tiranës, botuesit dhe analistit të njohur Henri Cili.
Ai ka rënë në pranga së bashku me 12 persona të tjerë, pasi mbi ta rëndon akuza e korrupsionit në organet e drejtësisë.
Së bashku me Henri Çilin dhe avokatin e tij Ilir Korbi, është arrestuar edhe biznesmeni i njohur Sait Fishta.
Ai është pronar i kompleksit “Fishta”, ndër të parat e ndërtuara në Velipojë.
Emri i Fishtës është i njohur dhe në fushën e politikës, sepse në 2013 ai ka kandiduar për deputet nën siglën e Partisë Socialiste.
Por edhe pse nuk hyri në parlament, Fishta arriti që pas rezultatit të zgjedhjeve të renditej i gjashti në listën e deputetëve që kishin kandiduar.
