Jetoi dhe vdiq e qetë”/ Rudina Hajdari për Nexhmije Hoxhën: Nuk i hyri asnjë gjemb në këmbë

Në lidhje me vdekjen e gruas së ish-diktatorit Enver Hoxha, e bija e Azem Hajdarit, deputetja Rudina Hajdari shprehet se një amanet i ’90 nuk u realizua, që ata njerëz të dënohen.

Në një intervistë në “Report Tv”, Hajdari tha se i vjen keq që asaj “nuk i hyri asnjë gjemb në këmbë gjatë jetës së saj”.

“Më vjen absolutisht keq që kësaj gruaje nuk i hyri asnjë gjemb në këmbë. Jetoi e qetë. Por ajo ka patur një rol të madh në vendimmarrjen e asaj kohe, dhe shumë njerëz kanë vuajtur prej saj. Një nga amanetet e ’90 nuk u realizua, që ata njerëz të marrin ndëshkim, nuk ka ndodhur por ata kanë jetuar të qetë dhe kanë ikur nga kjo jetë të qetë”, u shpreh deputetja Hajdari.