Izolohet koronavirusi: Ja si do të bllokohet përhapja e tij

Kur shifrat e humbjeve njerëzore janë në rritje për shkak të epidemisë Koronavirus, Italia ka prezantuar planin e masave parandaluese.

Shteti fqinj është një nga vendet më të rrezikuara të preket nga virusi, por njofton se ka marrë masa paraprake për të bllokuar përhapjen e tij në vend, dhe këtë do ta bëjë falë një vaksine që po provon tek një çift kinez që është infektuar, të cilët po mbahen të izoluar derisa të dalin rezultatet.

Lajmi është bërë i ditur nga ministri italian i Shëndetësisë, Roberto Speranza i cili thotë se tani ka më shumë mundësi për ta bllokuar sa më shpejt përhapjen e virusit falë një zbulimi që është arritur nga Instituti Kombëtar Italian i Sëmundjeve Infektive Spallanzzani.

“Tani kemi më shumë mundësi për ta bllokuar sa më mirë e shpejt përhapjen e këtij virusi. Drejtori i këtij Instituti Shëndetësor, mjeku Giuseppe Ippolito deklaron se “zbulimi i tyre do të vihet në dispozicion të komunitetit shkencor ndërkombëtar e Italia do të jetë ndërmjetëse referuese për testimet e diagnozës e vaksinës kundër koronavirus”, deklaroi ministri italian nga selia e Institutit të Sëmundjeve Infektive të Romës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern