LIGJET E BIZNESIT
Vdekja e 16-vjeçares shqiptare, Aurora Grazini të shtunën në mëngjes ka ngjallur dyshimet e zyrës së Prokurorisë së zonës së Vitebros në Itali.
Ende pa dalë autopsia e saj, rezulton i dyshuar një mjek në spitalin e Vitebros. Aurora Grazini, 16 vjeçarja u gjet e vdekur në shtëpi të shtunën në mëngjes.
Si person i akuzuar është një nga mjekët e dhomave të urgjencës, ku kishte shkuar vajza e ndjerë, sepse ajo po përjetonte ankth dhe panik. Akuza ndaj tij është vrasje ndaj të miturës. Këtë fakt e bëjnë me dije mediat italiane, “EN24”.
Hetimi në fjalë u bë i mundur falë dëshmive dhe dokumenteve të shumta. Vajza ishte shoqëruar nga anëtarët e familjes në dhomën e urgjencës nga ku ishte larguar pas disa ekzaminimeve mjekësore. Mjekët e dhomave të urgjencës së spitalit “Belcolle”, kishin vendosur ta dërgonin vajzën e mitur te ndonjë psikolog. Madje takimi me psikologun ishte lënë për të hënë.
Ecuria e hetimeve
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Hetuesit kanë filluar hetimet në spitalin në lidhje më faktin nëse vajzës i është dhëne ndihma e parë. Sipas asaj që u dallua nga hetimet rezulton se, vajza të premten ishte ndjerë keq si pasojë e rifillimit të ankthit dhe panikut të shtuar.
Aurora nuk do të ankohej për probleme thjesht fizike. Nga provimi i autopsisë, elementë të dobishëm duhet të arrijnë të tregojnë shkaqet e sakta të vdekjes, përfshirë testet toksikologjike, për të konstatuar nëse vajza kishte marrë ndonjë substancë që mund të lidhej me vdekjen.
Sidoqoftë, hipoteza, aktualisht përjashtohet, pikërisht sepse prindërit siguroheshin që ata kurrë të mos e linin vetëm Aurorën, e cila në fakt monitorohej vazhdimisht prej tyre.
