I vunë tritol në makinë, flet për herë të parë administratori i Vllaznisë: Nuk trembem, jam njeri i lirë

Paraditen e sotme një ngjarje e rëndë ndodhi në qytetin e Shkodrës.

Persona të panjohur vendosën lëndë eksplozive në automjetin e administratorit të Vllaznisë Suad Lici.

Ka qenë ky i fundit i cili e pikasi pakon e dyshimtë të vendosur makinën e parkuar në lagjen “Ahmet Haxhiaj” ku edhe banon.

Për fat të mirë pako nuk shpërtheu, ndërsa Lici njoftoi menjëherë policinë.

Ndërkohë ai ka folur edhe për mediat duke thënë se nuk ka konflikt me askënd, se nuk trembet dhe se do vazhdojë detyrën pasi krimi duhet të qëndrojë larg tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Nuk kam konflikte me askënd. Jam një njeri i lirë. S’kam pasur asnjë shqetësime. Nëse ka pasur probleme me sportin, jam sqaruar. Ja lë në dorë organeve kompetente që të zbardhin ngjarjen. Nuk më tremb jo ngjarje. Do vazhdoj me aktivitetin tim. Nëse është marrëdhënie me sportin, mendoj se njerëzit, çdo strukturë kriminale, duhet të rrijë larg sportit. Pasi ky qytet ka nevojë për shumë gjëra. Jam njeri i lirë dhe pas kësaj ngjarje”, deklaroi Lici.