Në një kohë kur koronavirusi duket se është më pranë se kurrë me Shqipërinë, nisur nga fakti që në Italinë fqinje raportohen 2 të vdekur dhe 132 të infektuar, kryeministri i vendit, Edi Rama ka reaguar përmes një postimi në Facebook.
“Koronavirusi nuk e ka prekur Shqipërinë! Por si për gjithë botën është një kërcënim potencial, për të cilin janë marrë të gjitha masat në rast se do të na duhet të përballemi.
Të njëjtat mendje të shthurura, që ju shqetësuan keq me lajmet false dhe me gojëligësinë e tyre gjatë ditëve dhe netëve të gjata pas tërmetit, janë në veprim.
Mos bini pre e tyre dhe jini të sigurt se shteti shqiptar po e bën prej kohësh detyrën për të qenë gati në rast shfaqjeje të koronavirusit, të cilin jemi gati ta përballim me organizim e profesionalizëm të lartë”, shkruan Rama.
