Evakuohet nga Wuhan studentja shqiptare, do të qëndrojë 14 ditë në karakatinë, ja ç’do të ndodhë më pas

Është evakuuar studentja shqiptare Silva Doci, nga qyteti Wuhan në Kinë.

Ajo qëndronte e izoluar në një kampus universitar pas përhapjes së koronavirusit.

Ndërkohë ditën e sotme ministria e Punëve të Jashtme njofton se studentja ka udhëtuar në një avion turk sëbashku me 45 persona të tjerë po të evakuar dhe aktualisht ndodhet në Ankara.

Ajo është e detyruar që të qëndrojë 14 ditë në karakatinë, së bashku me të tjerët, përpara se të mundë të lëvizë lirisht.

NJOFTIMI I PLOTE I MINISTRISE

Ministria për Evropën dhe Punët e Jashtme në bashkëpunim dhe komunikim të vazhdueshëm me Ambasadat shqiptare në Pekin dhe Ankara, kanë punuar intensivisht për të finalizuar me sukses largimin nga Wuhan të studentes shqiptare Silva Doçi, e cila mbeti e izoluar brenda ambienteve të kampusit universitar në këtë qytet, pas masave të marra për izolimin e tij në 23 janar 2020.

Ministria për Evropën dhe Punët e Jashtme duke e ndjekur me prioritet çështjen e studentes shqiptare, në kushtet e vështira kur askush nuk mund të hynte apo dilte në Ëuhan, prej ditësh ka qenë në kontakte me palën turke, duke i paraqitur kërkesën zyrtare për të përfshirë edhe studenten shqiptare në operacionin e largimit të ndërmarrë për shtetasit turq që jetonin në Wuhan.

Burime nga ministria bëjnë me dije se në vijim të komunikimeve, pala turke u dakordësua që studentja Silva Doçi të udhëtojë në avionin ambulant turk.

Pas përfundimit të procedurave zyrtare me autoritetet kineze për lejimin e largimit të tyre nga Ëuhan, avioni nga Kina u nis sot drejt aeroportit ushtarak në Ankara.

Studentja shqiptare, Silva Doçi ka kryer të gjitha testet dhe ka dalë negative për virusin nCOV, por udhëtimi i gjatë në një avion me mbi 45 persona të tjerë të evakuuar nga Ëuhan, e bën të detyrueshëm qëndrimin e saj në karantinë. Çdo shtetas që del nga provinca Ëuhan, është i detyruar t`i nënshtrohet një regjimi mjekësor karantine 14 ditor para se të lëvizë lirshëm.

Për këtë fazë evakuimi, Ministria për Evropën dhe Punët e Jashtme vazhdoi kontaktet e pandërprera me Ministrinë e Jashtme turke, me qëllim vijimin e regjimit të karantinës së studentes shqiptare në Turqi.

Ministria për Evropën dhe Punët e Jashtme po ndjek dhe do të vazhdojë të ndjekë të gjithë procedurën e evakuimit të studentes shqiptare, deri në mbërritjen e saj pranë familjes në Shqipëri.

Ministria për Evropën dhe Punët e Jashtme

Drejtoria e Diplomacisë Ekonomike, Publike dhe Diasporës.