E goditi 10 herë me thikë në vendin e punës, ky është shqiptari që vrau barbarisht gruan (FOTO)

Një krim tronditës ndodhi ditën e djeshme në Itali.

Ngjarja e rëndë u shënua në Genova, ku një burrë shqiptar goditi me thikë gruan e tij në vendin e punës, duke i shkaktuar vdekjen e menjëhershme.

Më pas ai tentoi dhe të vetëvritej, por mbijetoi duke marrë plagë të rënda.

Sipas mediave italiane, gruaja e cila ka mbetur viktimë është 43 vjeçarja Laureta Zyberi, ndërsa autori i krimit, bashkëshorti i saj është identifikuar si Eduart Zyberi, 54 vjeç.

Si fillim mësohet se Eduarti është nisur me motor për te vila ku e shoqja ishte e punësuar si pastruese, duke e goditur dhjetë herë me thikën e kuzhinës.

I gjendur në këtë situatë, ai ka tentuar të vrasë dhe vetën duke  u qëlluar me thikë tre ose katër herë në pjesën e barkut.

Personi që i gjeti të dy trupat të mbuluar me gjak në tokë, ishte pronari i vilës ku punonte viktima.

Çifti, prindër të dy fëmijëve, kishin  25 vite të martuar dhe kishin emigruar në Itali në fillim të viteve ’90.

Dyshohet se kemi të bëjmë me një krim pasioni, por ende nuk ka dalë një version zyrtar nga ana e autoriteteve italiane.