“E pranoj kritikën” Ilir Meta i kërkon falje publike Saimir Kodrës dhe Gent Zenelajt (VIDEO)

Dy moderatorët e njohur Gentian Zenelaj dhe Saimir Kodra kanë deklaruar se përse presidenti Ilir Meta falenderoi kompozitorin Limoz Dizdari për pjesëmarrjen në protestën e 2 marsit, ndërsa ata jo.

Pas këtyre fjalëve të prezantuesve të programit “Stop”, ka ardhur dhe reagimi i Metës, i cili publikon videon duke pranuar kritikën madje kërkon falje publike, dhe sërish i bën thirrje popullit për të dalë në 2 mars në mbrojtje të Kushtetutës.

‘E pranoj kritikën me vend të dy moderatorëve brilantë të emisionit të mirënjohur investigativ STOP, Saimirit dhe Gentit!

Por bashkë me ndjesën publike për këtë falenderim “paksa të vonuar” por që s’do të mungonte , nuk mund të mos e shpreh krenarinë që dy zëdhënës kaq të fuqishëm të interesit publik, i bashkohen kauzës sonë të përbashkët në mbrojtje të Kushtetutës, shtetit ligjor, demokracisë, të drejtave e lirive të qytetarëve, të cilat ata përpiqen t’i mbrojnë çdo ditë, me kurajo, profesionalizëm dhe sakrifica.

Së bashku në Manifestimin Mbarëkombëtar në 2 mars edhe për lirinë e pavarësinë e medias, në mbrojtje të Kushtetutës dhe të Shqipërisë, kundër grushtit të shtetit’,thekson Meta.