Brinjët e thyera dhe sytë komplet të zinj/ Flet vëllai i të riut shqiptar që vdiq në burgun francez

Fatbardh Rexha, vëllai i të riut shqiptar, i cili u vra në burgun francez tha se nuk e beson që vëllai i tij të ketë vrarë veten. Në një lidhje skype me emisionin Ftesë në 5, ai tha se para disa ditësh kishte komunikuar me vëllain dhe se ai ishte shumë mirë, dhe se ishte duke mësuar gjuhën frënge. Fatbardhi tregoi se Mentori e kishte trupin të nxirë dhe hundën e thyer.

“Kam fol me vëllain tim para 3 javësh. Ai ka qënë shumë mirë, ai ka qenë duke mësuar gjuhën franceze. I kam thënë si je, si po kalon me ata shokët? Më tha jam shumë mirë. Çdo gjë e ka pas shumë mirë t’u shku te shkolla se bëhet dhe shkolla për frëngjisht aty. Pas 3 javësh kam tentuar ta marr në telefon nuk më ka dalë më. Kur e kam marrë në tel më dilte telefoni muzikë. Pas 4 ditësh më ka dalë një shoku i tij i dhomës, një francez. Nuk dija të merresha vesh me të në frëngjisht. Kisha një shok aty në Gjermani dhe foli ai  dhe më thanë që Mentor Rexha ka vrarë veten. Nuk e besova. Atëherë s’kam prit më dhe kam ardhur direkt në Francë. E pashë trupin e tij krejt zi. Brinjët e thyeme dhe gjunjët e zinj. Tek sytë komplet të zinj dhe hunda e thyer”, u shpreh Fatbardh Rexha.

Suela Rexha, motra e Mentorit e bëri publik lajmin për vdekjen e tij në mediat shqiptare duke hedhur akuza kundër autoriteve në Francë, pasi sipas saj Mentori nuk ka vrarë veten por e kanë dhunuar dhe vrarë./FastNewsAlbania