“Duhet të vetëkarantinohen për 14 ditë” Ministria e Shëndetësisë thirrje të fortë këtyre qytetarëve

Në një deklaratë të sotme për shtyp, Ministria e Shëndetësisë ka bërë me dije se edhe pas analizave të kryera për 17 persona të dyshuar me koronavirus në Shqipëri, ka rezultuar se asnjëri prej tyre nuk është i prekur.

Nga ana tjetër qytetarëve të cilët kanë udhëtuar në zonat e prekura apo që kanë patur kontakt me njerëz të dyshuar, ministria u ka bërë thirrje që të vetëkarantinohen për një periudhë prej 14 ditësh.

Këto fakte i ka shprehur Eugena Tomini, drejtuesja e Shërbimit të Inteligjencës Epidemiologjike, pjesë e Task-Forcës, ku ka dhënë dhe detajet më të fundit në lidhje me situatën që po kalon vendi.

“Kemi zhvilluar analizat për 17 raste me koronavirus në Shqipëri, kryesisht qytetarë të rikthyer në atdhe dhe kanë shfaqur shenja temperature.

Ka rezultuar se asnjëri prej këtyre rasteve nuk është i prekur me koronavirus. 3500 udhëtarë kanë ardhur në Shqipëri javët e fundit nga zonat ku është shfaqur virusi në Itali dhe shtete të tjera.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

U bëjmë thirrje të gjithë qytetarëve që kanë temperaturë apo shenja të tjera, të qëndrojnë në shtëpi dhe të kontaktojnë me urgjencën. Ne kemi karantinë gati nëse do të ketë persona të prekur, e cila nuk ndodhet në QSUT”, – u shpreh ajo nga konferenca.