Drejtonte motoçikletën pa targa, i riu përplas 63-vjeçaren në Kuçovë

Një aksident rrugor është shënuar ditën e sotme para bashkisë së Kuçovës. Duke iu referuar njoftimit të policisë, bëhet e ditur se shtetasi me inicialet K.V. duke drejtuar një motoçikletë pa targa ka aksidentuar këmbësoren, shtetasen F.M., 63 vjeçe banuese në lagjen “Llukan Prifti”.

Mësohet se 63-vjeçarja ndodhet në spitalin e Beratit për ndihmë mjekësore.

Njoftimi i policisë:

Rreth orës 14:00 në rrugën para bashkisë Kuçovë, shtetasi K.V duke drejtuar  një  motoçikletë pa targa, ka aksidentuar këmbësoren,  shtetasen F.M 63-vjeçe,  banuese në lagjen “Llukan Prifti”, Kuçovë e cila ndodhet në Spitalin Rajonal të Beratit për ndihmë mjekësore.

Drejtuesi i motoçikletës është shoqëruar në ambientet e Policisë për veprime të mëtejshme. Grupi hetimor po punon për zbardhjen e rrethanave të shkaqeve të aksidentit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern