“Bosët e vërtetë nuk lëvizin me makina të blinduara”/ Çfarë pa mbrëmë Artan Hoxha në mes të Bllokut

Gazetari investigativ, Artan Hoxha, i ftuar në ABC news, ka komentuar aksionin e OFL-së për sekuestrimin e makinave luksoze.

Sipas Hoxhës, “bosët” e vërtetë, nuk lëvizin me makina të blindura dhe këtë policia e di mirë. Ndaj duhet të heqin dorë nga show me maska dhe kallashnikov.

‘Bosët e vërtetë, atë të mëdhënjtë, policia e di mirë, nuk lëvizin me makina të blindura. Me makina të blinduara lëvizin ata që kanë probleme hasmërie.

E dini çka bërë Dashamir Gjoka?

I bënë atentat, ishte me mjet të blinduar me familjen, mjeti i blinduar e mbrojti nga sulmi dhe me mjetin e  blinduar hyri në drejtorinë e policisë, kërkoi mbrojtje. Blindi të shpëton nga goditja  e parë. Unë mbrëmë pashë një limuzinë në mes të bllokut që mund ta kenë marrë për ditëlindje. Çfarë do bëjnë tani do bllokojnë çdo makinë të shtrenjtë.

Kjo është gjasme, jo ajo që presim. Ndërkohë bosët e vërtetë i keni me smart. Lufta me krimin nuk është luftë dhune, por inteligjente. Ti nuk mund ta luftosh krimin e organizuar me postblloqe që del në rrugë. Prandaj them se kjo është një show. Krimi duhet të luftohet me inteligjencë. Si do të luftojnë krimin me Kalashnikov dhe maska!”