LIGJET E BIZNESIT
Policia e Tiranës ka arrestuar një pronar lokali pasi pasi brenda ambienteve të biznesit të tij ushtrohej veprimtari e kundërligjshme e lojërave të fatit.
Sipas njoftimit zyrtar, i arrestuari është shtetasi E.B 40 vjec, banues në Tiranë.
Gjatë kontrollit të ushtruar në lokalin e tij në rrugën “Haki Stërmilli” në Kombinat, u zbuluan dhe 6 persona të tjerë, tashmë të proceduar nga policia, duke luajtur me letra pokeri me lekë.
NJOFTIMI ZYRTAR I POLICISE
Tiranë
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Goditet një rast i organizimit të palejuar të lojërave të fatit dhe vënies në dispozicion të lokaleve për lojëra të palejuara.
Vihet në pranga pronari i lokalit. Procedohen penalisht gjashtë shtetas të tjerë. Sekuestrohen letra pokeri dhe sasi lekësh me të cilat këta shtetas po luanin.
Shërbimet e Policisë të Komisariatit Nr.6, në bazë të informacioneve të marra se në një lokal ushtrohej veprimtari e kundërligjshme e lojërave të fatit, arrestuan në flagrancë shtetasin E. B., 40 vjeç, banues në Tiranë, si dhe proceduan në gjendje të lirë gjashtë shtetas të tjerë.
Gjatë kontrollit të ushtruar në lokalin e shtetasit E.B, në rrugën “Haki Stërmilli” në Kombinat, 6 shtetasit e proceduar tashmë nga Policia, u konstatuan duke luajtur lojëra me letra pokeri me lekë .
Në cilësinë e provës materiale u sekuestruan letra pokeri dhe një sasi lekësh.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprat penale “Organizim ose ushtrim i veprimtarive të lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”.
