Albin Kurti për herë të parë në Shqipëri si kryeministër, ja me kë do të takohet sot

Vendi i parë që do të vizitojë Albin Kurti pas marrjes së postit të kryeministrit të Kosovës, do të jetë Shqipëria.

Lideri i “Lëvizjes Vetëvendosja” tashmë kreu i qeverisë, ditën e sotme do të vijë në Tiranë.

Përgjithësisht axhenda e Albin Kurtit do të jetë e ngjeshur pasi në të parashikohen takime me kryeministrin Edi Rama, kryetarin e parlamentit Gramoz Ruçi, presidentin Ilir Meta, kryetarin e Bashkisë së Tiranës Erion Veliaj si dhe kryetarin e Partisë Demokratike Lulzim Basha.

Pas takimit me kryeministrin Rama, ai dhe Albin Kurti do të mbajnë një konferencë të përbashkët për shtyp.

Qëndrimi i tij do të zgjasë një gjysmë dite. Nisja drejt Morinës për kthimin në Kosovë është parashikuar në 12.40.

Ishte vetë Albin Kurti ai që e paralajmëroi vizitën në Shqipëri në një intervistë për Zërin e Amerikës.