Aksident tragjik në Malësinë e Madhe, vdes 49-vjeçarja

Një aksident me pasojë vdekjen e një 49-vjecareje ka ndodhur në Malësinë e Madhe. Burime nga policia bëjnë me dije se një automjet i drejtuar nga shtetasi B.J ka përplasur për vdekje shtetasen A.Ç banuese në Koplik.

Aksidenti sipas Policisë ka ndodhur rreth orës 18:25 dhe drejtuesi i automjetit me banim në Shkodër është shoqëruar në Drejtorinë Vendore të Policisë Shkodër.

NJOFTIMI I POLICISË

Malësi e Madhe/Informacion paraprak

Më datë 16.02.2020, rreth orës 18:25, në fshatin Pjetroshan, Malësi e Madhe mjeti me drejtues shtetasin B. J. 51 vjeç, banues në Shkodër, ka aksidentuar shtetasen A. Ç. 49 vjeçe, banuese në Koplik, ku si pasojë ka ndërruar jetë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Drejtuesi i mjetit është shoqëruar ne ambientet e D. V. P. Shkodër për veprime të mëtejshme.

Grupi hetimor vijon punën për sqarimin e rrethanave të aksidentit./FastNewsAlbania