LIGJET E BIZNESIT
Prokuroria e Shkallës së parë në Gjirokastër ka reaguar rreth lajmit të publikuar ditën e sotme në media ku thuhej se Konstadin Kaçifas është vetëvrarë. Ndërsa në deklaratën e Prokurorisë së Gjirokastrës që mban firmën e drejtuesit Julian Çafka thuhet se çdo informacion i publikuar në media pa iu referuar burimeve zyrtare, dëmton hetimet dhe nuk kontribuon në zgjidhjen e drejtë të çështjes.
Ndërkaq, në deklaratë përgënjeshtruese se Kaçifas u vetvra “me dy plumba” në fund thuhet se Gjykata e Gjirokastrës do të kryejë hetimet e nevojshme deri në fund të kësaj çështje.
Deklarata e Prokurorisë së Gjirokastrës:
Prokuroria pranë Gjykatës së Shkallës së Parë Gjirokastër, duke u nisur nga transmetimi në media i disa informacioneve ditën e sotme, çmon të nevojshme që në përmjet kësaj deklarate, të sqarojë publikun si më poshtë:
Në Prokurorinë pranë Gjykatës së Shkallës së Parë Gjirokastër, është regjistruar proçedimi penal nr.824 në datën 24.12.2019, pas transferimit të akteve nga Prokuroria pranë Gjykatës së Shkallës së Parë për Krimet e Rënda. Ky proçedim penal bën fjalë për ngjarjen ku ka humbur jetën shtetasi Kostandinos Kaçifas. Ky proçedim penal vazhdon të ndodhet në fazën e hetimeve paraprake dhe nga ana jonë nuk është arritur në asnjë konkluzion në lidhje me zgjidhjen e çështjes. Kjo çështje penale është regjistruar për veprat e parashikuara nga nenet 79/dhe 22, 278/1 e 76 të K.Penal.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Çdo informacion I publikuar në media, pa ju referuar burimeve zyrtare, dëmton rëndë hetimet dhen uk kontribuon në zgjidhjen e drejtë të çështjes.
Prokuroria pranë Gjykatës së Shkallës së parë Gjirokastër siguron publikun se do të kryejë hetimin me objektivitet e paanësi dhe do të parashtrojë zgjidhjen e drejtë të kësaj çështjeje penale”, thuhet në deklaratë.
Ngjarja e rëndë u shënuar më 28 tetor të 2018 ku në fshatin Bularat festohej dita e dëshmorëve të Greqisë. Kostandinos Kacifa me anë të një kallashnikovi të modifikuar edhe me dylbi, qëlloi mbi efektivët e policisë që ishin në zonë për mbarëvajtjen e ceremonisë. Ndërkohë pasi kësaj ngjarje u thirr për ndihmë reparti RENEA ku pas disa orësh ndjekje dhe shkëmbi zjarri, u njoftua se Kostandionos Kacifa mbeti i vrarë.
