Zjarri në spitalin e Durrësit/ Prokuroria nis hetimin

Prokuroria ka nisur hetimet për zjarrin e rënë mëngjesin e sotëm në spitalin e Durrësit.

Mësohet se ka sekuestruar dosjet e rrjetit dhe raportet e mirëmbajtjes së paneleve.Grupi hetimor ka kërkuar edhe raportin e kolaudimit të bombulave të shuarjes së zjarrit, planin e emergjencës dhe informacion nëse ka apo jo sistem sensorësh për zjarrin.

Sipas drejtoreshës së Spitalit të Durrësit, Nadire Jani, tha se zjarri ka përfshirë kabinën kryesore të energjisë elektrike dhe rrjetin elektrik në gjysmën e spitalit nga kati i parë deri në katin e katërt, duke bërë që gjysma e spitalit të mbetej pa energji.

Të gjithë pacientët e neurologjisë dhe kirurgjisë janë zhvendosur në reparte të tjera, ndërsa 5 prej tyre janë dërguar në Tiranë, pasi kishin nevojë për oksigjenim. Ndërkohë 80 pacientë u evakuuan menjëherë nga spitali.