Vrau kunatën në Tiranë, ja çfarë vendosi gjykata për Erdet Çapokun

Gjykata e Tiranës ka caktuar masën e sigurisë për Erdet Çapokun, 34-vjeçarin që masakroi me thikë duke i marrë jetën kunatës së tij, Enkeleda Çapokut në Paskuqan të Tiranës.

Kështu sipas informacioneve gjykata ka dhënë masën ‘burg pa afat’ për Erdet Çapokun, ndërkohë që mësohet se ky i fundit e ka pranuar akuzën.

Kujtojmë se krimi i rëndë ndodhi përpara tre ditësh, ku 34-vjeçari ka shkuar në banesën e kunatës dhe pasi ka hapur derën me forcë, ka hyrë në dhomën e kunatës dhe ka kryer vrasjen makabër.

Fillimisht Erdeti ka goditur nënën e viktimës, e cila flinte me një dhomë me të bijën dhe më pas i është drejtuar Enkelejdës duke e goditur me levë, dhe më pas me thikë në fytyrë hundë dhe damarët e dorës.

Fatkeqësisht e reja, nënë e një vajze, nuk i ka rezistuar plagëve të marra dhe ka ndërruar jetë përpara se të mbërrinte në spital.

Forcat e policisë arrestuan Erdet Çapokun vetëm disa orë pas ngjarjes, i cili ndodhej në zonën e njohur si “Kupola” në Laprakë duke lëvizur me biçikletë.