Vijojnë të dalin detaje tronditëse pas vrasjes makabre që tronditi Korçën ditën e sotme.
Ngjarja e rëndë ndodhi në zonën e pazarit të qytetit, ndërkohë që viktima është identifikuar si Dashnor Osmani, rreth 50 vjeç.
Ndërkohë autori i krimit të rëndë është Zamir Topi 42 vjeç, të dy banues të fshatit Pocestë të Korcës.
Sipas informacioneve vrasja ka ndodhur si pasojë e një konflikti të momentit për arsye banale, ku më pas Zamir Topi e ka goditur me sëpatë në kokë Dashnor Osmanin, duke i shkaktuar vdekjen e mënjëhershme.
Dyshohet se autori ka probleme mendore, ndërsa viktima ishte shitës ambulant i bananeve dhe njëkohësisht vëllai i një ish-shefi policie.
Autori Zamir Topi është arrestuar nga policia, dhe po verifikohet për zbardhjen e plotë të rrethanave të krimit makabër.
NJOFTIMI I POLICISË
Më datë 28.01.2020, në lagjen nr. 9, në Korçë, pas një konflikti për motive të dobëta shtetasi Zamir Topi, 42 vjeç, banues në fshatin Pocestë, dyshohet se ka goditur me mjet prerës shtetasin D. O., rreth 50 vjeç, banues në fshatin Pocestë, i cili për pasojë ka ndërruar jetë.
Shërbimet e Policisë kanë reaguar menjëherë ku kanë kapur autorin e dyshuar, të cilin e kanë shoqëruar në ambientet e Policisë për veprime të mëtejshme.
Grupi hetimor po punon për të sqaruar rrethanat e ngjarjes.
