LIGJET E BIZNESIT
Ditën e sotme Komisioni i Jashtëm i Vlerësimit ka dhënë vendimin për Eduart Merkajn, me detyrë drejtor i Departamentit të Kufirit dhe Migracionit në Policinë e Shtetit.
Gjatë paraqitjes së tij përpara KJV, ai u njoh me vlerësimin për pasurinë, pastërtinë e figurës dhe aftësitë profesionale.
Trupa e vlerësimit e përbërë nga Sonila Kadare, Luljeta Qoku dhe Ledian Rusta konstatuan dhe deklaruan se nga hetimi administrativ i drejtorit të departamentit të Kufirit dhe Migracionit, Eduart Merkaj rezulton pa problem në të tre komponentët e vlerësimit.
Kujtojmë se Eduart Merkaj është pjesë e strukturave të Policisë së Shtetit që nga viti 2007.
Ai ka mbajtur disa poste të rëndësishme në këtë sektor, ndërkohë që nga janari 2019 drejton Departamentin e Kufirit dhe Migracionit.
