LIGJET E BIZNESIT
Deputeti Myslym Murrizi thotë se është pro ndryshimit të sistemit zgjedhor, duke thënë se ai vetë preferon sistemin mazhoritar.
“Unë vetë personalisht preferoj mazhoritarin. 10-15 kandidatë kokë më kokë, qytetarët ta dinë se kush është ai që do ti përfaqësojë ata, të votojnë drejtëpërdrejtëme emër që të kenë lidhje me të”, thotë Murrizi.
I ftuar në RTV Ora, ai ka thënë se është habitur nga mënyra sesi janë “zbythur” aletatët e kryedemokratit Basha, të cilët sipas Murrizit në fillim janë shprehur pro ndryshimit të sistemit, kurse tani thonë që nëse zgjedhjet bëhen në qershor, është i mirë ky sistem që kemi.
“Nuk dua të bëj bajraktarin si Rama me Bashën. Ajo që më ka habitur kohët e fundit është zbythja e aleatëve. Katër deputetë kanë qenë në listat e PD, Ndoka, Shehu, Mediu, Dule. Kanë qenë në një linjë dhe ata për ta ndryshuar këtë sistem zgjedhor. Kur thanë se i mirë është ky sistem nëse bëhen zgjedhjet në qershor u habita. Nëse duan sisteme në bazë të temperaturës së kohës kur bëhen zgjedhjet kjo është qesharake. Ky sistem ka vrarë demokracinë.
Me këtë sistem edhe unë po të jem kryetar partie të pëlqen vetja dhe kthehesh në neodiktator. Ndaj Rama qeveris me karavidhe që nuk kanë asnjë përgjegjësi për votuesit e majtë të këtij vendi. 9 ministra nuk dinë se çfarë është elektorati socialist, kanë ardhur se i njeh Rama. Të duket sikur po rivalizon me të madhin Zot. Ky harbutllëk ndodh si në PS dhe PD”, ka shtuar Myslym Murrizi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
