U gjet e vrarë në pyll/ Të vëllait nuk i dhanë leje, tenton vetvrasje në burgun e Beratit

Një tjetër ngjarje e rëndë ka ndodhur për familjen Kovaçi nga Berati. Brunilda Kovaçi u gjet e vrarë në një pyll në Francë ndërsa vëllai i saj Shpëtim Kovaçi ka tentuar të vetvritet pasi nuk i dhanë leje për të marrë pjesë në funeral.

Ndërkaq, bëhet e ditur se ngjarja ka ndodhur në ambientet e burgut të Beratit, ku i riu ishte duke vuajtur dënimin. Sipas informacioneve bëhet e ditur se Shpëtim Kovaçi ka tentuar të presë damarët e fytit me briskun e rrojës. Kanë qenë policët e burgut ata të cilët e kanë gjetur të gjakosur në qelinë e burgut ndërsa më pas e kanë dërguar me urgjencë drejt Spitalit Rajonal të Beratit.

Ndërsa mjekët e Reparit të Urgjencës kanë deklaruar se Kovaçi është jashtë rrezikut për jetën. Pasi ka rrë ndihmën mjekësore, ai është transportuar sërish drejt IEVP-së Berat. 32-vjeçari, Shpëtim Kovaçi prej 8 vitesh ndodhet në burg pasi akuzohet për vrasje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern