LIGJET E BIZNESIT
Këshilli i Ministrave ka miratuar në mbledhjen e sotme zonat e rindërtimit, të dëmtuara nga tërmeti 6.4 ballë i 26 nëntorit, ku si pasojë e lëkundjeve të forta qindra familje mbetën të pastreha.
Ministri i Rindërtimit në një deklaratë për mediat, zbuloi dhe zonat në të cilat do rindërtohet, në qytetet kryesore të vendit, ndër to dhe në Tiranë.
“Kemi miratuar për shpalljen e zonës së re për zhvillim në Shijak, në Kurbin, Lac, jemi duke folur për një zonë tjetër që do ndërtohet nga Turqia, njësia tjetër ne Thumanë, Krujë.
Në Krujë 2 zona, Bubq që ka një dëmtim të një madhësie te madhe në territor e Fushë Krujë, në Durrës, shpalljen e një zone.
Në Vorë një zonë, në Kavajë një zonë në qytet.
Në Tiranë kemi miratuar 9 zona të reja për zhvillim, nga “5 maji”, zona e Autotraktorëve, zona e Kombinatit, në njësinë 11 Universiteti Bujqësor i Tiranës, në Baldushk, zonë e re në Ndroq, zonë e re në Vaqarr dhe në Zall Herr.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Këto dy muaj qeveria ka bërë nga A e procedurave ligjore deri te shpallja e zonave që citova më lart. S’bëhet fjala për të ndërtuar shkel e shko, por mbi bazën e procedurave, ligjit, e standarteve bashkëkohore, duke përfshirë ato antisizmike. Sot firmoset kontrata për hartimin e modeleve dhe në 6 shkurt do kemi modelet. Ju lutem aplikoni sa më shpejt”, u shpreh ministri Ahmetaj gjatë fjalës së tij.
