LIGJET E BIZNESIT
Pas dëmtimeve të mëdha që pati nga tërmeti i 26 Nëntorit, është rikonstruktuar shërbimi i Kardiologjisë në Qendrën Spitalore Universitare “Nënë Tereza”. Ogerta Manastirliu, Ministrja e Shëndetësisë dhe Mbrojtjes Sociale ka parë nga afër ambientet e reja në QSUT.
“Përfundoi në kohë rekord gjithë pjesa e rehabilitimit. Sigurisht që më e mira do të vijë vitin tjetër, me ndërtimin e spitalit të ri të sëmundjeve të brendshme, megjithatë me ç’ishte dhe me atë që na shkaktoi tërmeti u rehabilitua në kohë shumë të shpejtë,”, tha Manastirliu.
Gjithashtu Manastirliu tha se puna nuk do të ndalet dhe se do të rehabilitohen 300 qendrave shëndetësore.
“Puna këtë vit nuk do të ndalet për Programin e Rindërtimit, me spitalin e Laçit si dhe qendrat shëndetësore të dëmtuara nga tërmeti të cilat do të përfshihen në Programin tonë të Rehabilitimit të 300 qendrave shëndetësore. E rëndësishme është që qytetarëve nuk u mungon shërbimi në qendrat shëndetësore apo spitalet që kanë patur dëmtime”, tha ndër të tjera ministrja.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
