Një superoperacion i zhvilluar nga policia italiane ka shkatërruar një grup trafiku të drogës.
Sipas informacioneve, në kuadër të aksionit të koduar “Simba 2020” janë zbuluar 333 kilogram kokainë të fshehur në disa pllaka graniti.
Autoritetet e portit ishin ata që e pikasën ngarkesën që ishte fshehur midis pllakave.
Ata dërguan sinjalin te GDF, të cilët e ndoqën ‘mallin’ deri në destinacion për të zbuluar ata që e prisnin.
Si pasojë e operacionit janë arrestuar 4 persona, ku njëri prej tyre është shqiptar.
Identiteti i tyre i plotë ende nuk dihet, ndërkohë që janë dhënë vetëm inicialet:
J.M.J me kombësi kroate, B. A. me kombësi shqiptare, P.B.L me kombësi braziliane dhe C.G., nga Italia.
Nuk dihet destinacioni i drogës që sipas informacioneve ishte nisur nga Italia.
Nëse kjo sasi do të hidhej në treg, do të kapte vlerën e 110 milionë eurove.
